Azərbaycanın daha iki cüdoçusu Avropa çempionatında mübarizəyə qoşulur
Bakı, 24 aprel, AZƏRTAC
Bu gün Azərbaycanın daha iki cüdoçusu Monteneqronun paytaxtı Podqoritsada keçirilən Avropa çempionatında mübarizəyə başlayacaq.
AZƏRTAC xəbər verir ki, ikinci yarış günündə Rəşid Məmmədəliyev (73 kiloqram) və Fidan Əlizadə (57 kiloqram) qüvvəsini sınayacaq.Onlar müvafiq olaraq britaniyalı Benjamin Levy və latviyalı Anastasiya Sokiryanska ilə qarşılaşacaqlar.
Qeyd edək ki, ötən gün Azərbaycan cüdoçularından Əhməd Yusifov (60 kiloqram) bürünc medal qazanıb. Avropa çempionatına aprelin 26-da yekun vurulacaq.
Bölmənin digər xəbərləri
