Azərbaycanın güləş millisi reytinq turnirinə Batumidə hazırlaşır
Bakı, 10 iyun, AZƏRTAC
Sərbəst güləş üzrə milli komanda növbəti təlim-məşq toplanışına başlayıb.
Azərbaycan Güləş Federasiyasından AZƏRTAC-a verilən məlumata görə, Quba toplanışını başa vurduqdan sonra bir neçə günlük istirahətə yollanan yığmamız iyunun 8-də Gürcüstanın Batumi şəhərinə yollanıb.
Millimiz iyunun 21-dək Gürcüstan, Avstriya, Norveç və Ukrayna komandaları ilə birgə toplanış keçəcək.
Baş məşqçi Xetaq Qazyumov, böyük məşqçi Cəbrayıl Həsənov, məşqçilər Taymuraz Kokoyev və Şərif Şərifovun rəhbərliyi altında 19 güləşçi TMT-də iştirak edir. Heyətdə İslam Bazarqanov (57 kq), Musa Ağayev, Ruslan Abdullayev (hər ikisi 65 kq), Kənan Heybətov, Zirəddin Bayramov (hər ikisi 70 kq), Ağanəzər Novruzov, Turan Bayramov, Maqomed-Başir Xaniyev (hamısı 74 kq), Fərid Cabbarov, Cəbrayıl Hacıyev, Səbuhi Əmiraslanov (hamısı 79 kq), Arseniy Djioyev (86 kq), Osman Nurmaqomedov, Abubakr Abakarov, Sadiq Mustafazadə (hamısı 92 kq), Maqomedxan Maqomedov, Zəfər Əliyev (hər ikisi 97 kq), Giorgi Meşvildişvili və Xetaq Karsanov (hər ikisi 125 kq) yer alıblar.
Toplanış iyulun 17-dən 20-dək Macarıstanda keçiriləcək ilin son reytinq turnirinə hazırlıq xarakteri daşıyır.
Bölmənin digər xəbərləri
