Azərbaycanın NATO yanındakı nümayəndəliyində Ümummilli Liderin əziz xatirəsi yad edilib
Brüssel, 12 dekabr, AZƏRTAC
Dekabrın 12-də Ümummilli Lider Heydər Əliyevin əziz xatirəsi Azərbaycanın NATO yanındakı nümayəndəliyində böyük ehtiramla anılıb.
AZƏRTAC xəbər verir ki, tədbirdə Ümummilli Lider Heydər Əliyevin əziz xatirəsi bir dəqiqəlik sükutla yad edilib.
Nümayəndəliyin başçısı Cəfər Hüseynzadə anım tədbirində çıxış edərək Ümummilli Lider Heydər Əliyevin müasir Azərbaycan dövlətçiliyinin və nizami ordu quruculuğunun, habelə NATO ilə Azərbaycan arasındakı tərəfdaşlığın banisi olduğunu qeyd edib. Nümayəndəliyin başçısı, Ümummilli Liderin ölkəmizə böyük və əvəzedilməz töhfələri barədə danışarkən 1993-cü ildə onun Azərbaycana böyük qayıdışı ilə tariximizdə ən dinamik və uğurlu tarixi dövrün başlandığını vurğulayıb. Əlavə edib ki, Ulu Öndər növbəti dəfə doğma xalqının köməyinə gələrək xalqını və dövlətini parçalanmaqdan xilas edib.
Vüqar Seyidov
AZƏRTACın xüsusi müxbiri
Brüssel
Bölmənin digər xəbərləri
