Azərbaycanın tanınmış həndbolçusu Fəxri fərmanla təltif edilib
Bakı, 9 oktyabr, AZƏRTAC
Azərbaycanın tanınmış həndbolçusu, Olimpiya çempionu Lüdmila Şubinanın 75 illik yubileyi Azərbaycan Həndbol Federasiyasında (AHF) keçirilən tədbirlə qeyd edilib.
AHF-nin mətbuat xidmətindən AZƏRTAC-a bildiriblər ki, federasiyanın prezidenti, Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov yubilyara xoş sözlərini çatdırıb, ona Fəxri fərman təqdim edərək fəaliyyətində uğurlar arzulayıb.
Qeyd edək ki, Azərbaycan idman tarixində özünəməxsus imzası olan Lüdmila Şubina SSRİ seçməsinin heyətində 1976-cı ildə keçirilmiş Monreal Olimpiadasının qızıl medalına layiq görülüb. Beynəlxalq dərəcəli idman ustası hazırda “Qarabağ” həndbol klubunun prezidenti kimi fəaliyyət göstərir.
Bölmənin digər xəbərləri
