Azərbaycanlı iqtisadçı-alim Dünya Bankının “Business Ready 2025” sertifikatına layiq görülüb
Bakı, 13 iyul, AZƏRTAC
Azərbaycanlı iqtisadçı-alim Nazim Şükürov “World Bank Group”un eksperti kimi “Business Ready 2025” layihəsinə verdiyi peşəkar töhfəyə görə sertifikatla təltif edilib.
Bu barədə AZƏRTAC-a AMEA-dan məlumat verilib.
“Business Ready” Dünya Bankı Qrupunun biznes mühitini mikroiqtisadi baxımdan qiymətləndirən əsas korporativ hesabatıdır. Hesabat şirkətlərin investisiya mühiti, biznesin yaradılması və inkişafı üçün normativ-hüquqi baza, dövlət xidmətlərinin səmərəliliyi, rəqabət və innovasiya imkanlarını dəyərləndirir.
Hesabatda Azərbaycanda biznesin yaradılması və fəaliyyət göstərməsi ilə bağlı müvafiq indikatorlar üzrə qiymətləndirmələr və məlumatlar öz əksini tapıb.
Bölmənin digər xəbərləri
