AZƏRBAYCANLI LEYLA ƏSƏDOVA VYANADA KEÇİRİLƏN QURAMA SƏNƏTİ YARIŞINDA ÜÇÜNCÜ YER TUTMUŞDUR
Azərbaycanın Avstriyadakı səfirliyindən AZƏRTAC-a bildirmişlər ki, soydaşımız Leyla Əsədova Vyanada “Fiesta” (ispanca bayram deməkdir) devizi altında qurama sənəti üzrə keçirilən yarışda üçüncü yer tutmuşdur. Yarışda dünyanın bir çox ölkələrindən gəlmiş qadınlar müxtəlif parçalardan hazırladıqları quramaları nümayiş etdirmişlər.
Yarışın qeyri-adiliyi ondadır ki, qalibləri münsiflər heyəti deyil, tamaşaçılar müəyyənləşdirmişlər. Azərbaycanlı xanımın əl işləri tamaşaçıları heyran qoymuşdur.
Xatırladaq ki, Leyla Əsədova həmin yarışda iştirak edən və uğur qazanan ilk azərbaycanlıdır.
Bölmənin digər xəbərləri
