Azərbaycanlıların soyqırımı günü Azərbaycan Dövlət Mədəniyyət və İncəsənət Universitetində geniş tədbirlə qeyd edilmişdir
Bakı, 30 mart (AZƏRTAC). Azərbaycan Dövlət Mədəniyyət və İncəsənət Universitetində (ADMİU) 31 mart - Azərbaycanlıların soyqırımı günü münasibətilə geniş tədbir keçirilmişdir.
ADMİU-dən AZƏRTAC-a bildirmişlər ki, universitetin professor, müəllim və tələbə heyətinin iştirak etdiyi tədbirdə filologiya elmləri doktoru, professor Asif Rüstəmli 1918-ci ilin mart soyqırımında Azərbaycan xalqına qarşı törədilən erməni vəhşiliklərindən danışmış, apardığı araşdırmalar əsasında mərd və qəhrəman övladlarımız haqqında məlumatları konkret faktlar və şəkillərlə diqqətə çatdırmışdır.
Sonra universitetin aktyor sənəti fakültəsinin tələbə və müəllim heyətinin birgə hazırladığı “Vətən həsrəti” musiqili-bədii kompozisiya təqdim edilmişdir. Kompozisiyada universitetin müəllimlərindən - əməkdar artistlər Ağalar Bayramov, Ənvər Vəliyev, tanınmış aktyorlardan Nadir Hüseynov, Zülfiyyə Eldarqızı iştirak etmişlər.
Kompozisiyanın rejissoru Əməkdar Artist, dosent Mahirə Yaqubovadır.
Tədbir iştirakçıları vətənpərvərlik, uğurlu gələcəyə inam ruhunda hazırlanan kompozisiyanı Vətənə sevgi dolu göz yaşlarını saxlaya bilməmişlər. Kompozisiya universitetin tələbə və müəllim heyətinin birgə yaradıcılığı və ifası baxımından da maraq doğurmuşdur.
Bölmənin digər xəbərləri
