AZƏRBAYCANLILARIN SOYQIRIMI GÜNÜ ERMƏNİSTANIN BERLİNDƏKİ SƏFİRLİYİ QARŞISINDA PİKET KEÇİRİLƏCƏKDİR
Berlin, 30 mart (AZƏRTAC). Azərbaycanlıların soyqırımının ildönümü günü ölkəmizin Almaniyadakı diaspor təşkilatları Ermənistan səfirliyi qarşısında piket keçirəcəklər.
Almaniya Azərbaycanlılarının Əlaqələndirmə Mərkəzinin icraçı direktoru Samirə Patser-İsmayılova bildirmişdir ki, aksiya Almaniya-Azərbaycan həmrəyliyi cəmiyyəti, “Azərbaycan evi” diaspor təşkilatı ilə birgə təşkil olunacaqdır. Aksiyada Almaniyada yaşayan etnik azərbaycanlılar, habelə Azərbaycan xalqının tarixində baş vermiş faciəli hadisələrə biganə qalmayan və daşnak cəlladlarının törətdiyi qanlı cinayətləri pisləyən digər ölkələrin vətəndaşları da iştirak edəcəklər.
Vüqar Seyidov
AZƏRTAC-ın xüsusi müxbiri
Berlin
Bölmənin digər xəbərləri
