AZƏRBAYCANLILARIN SOYQIRIMI GÜNÜ QEYD EDİLMİŞDİR
Komitədən AZƏRTAC-a bildirmişlər ki, qurumun sədri Zəhra Quliyeva çıxış edərək, XX əsrin əvvəllərindən indiyədək ermənilərin xalqımıza qarşı törətdikləri soyqırımının dəhşətli nəticələrindən danışmışdır. O demişdir ki, bu faciəli qırğınlar zamanı 2 milyondan artıq soydaşımız məhv edilmiş, ölkəmiz maddi-mənəvi itkilərə məruz qalmışdır.
Ermənilərin azərbaycanlılara qarşı törətdikləri bu cinayətlər yalnız ümummilli liderimiz Heydər Əliyev tərəfindən dünya ictimaiyyətinə, beynəlxalq təşkilatlara çatdırılmışdır. Prezident Heydər Əliyevin “Azərbaycanlıların soyqırımı haqqında” Fərmanı ermənilərin xalqımıza qarşı törətdikləri vəhşiliklərə verilmiş ilk siyasi qiymət və rəsmi dövlət sənədidir.
Tədbir iştirakçıları BMT-yə, ATƏT-ə, Avropa Şurasına, beynəlxalq qadın təşkilatlarına, dünya ölkələrinin parlamentlərinə və dövlət başçılarına müraciət qəbul etmişlər.
Bölmənin digər xəbərləri
