Azərbaycanlıların soyqırımı günü tariximizin qanlı səhifəsidir
Astara, 30 mart (AZƏRTAC). Astara Pedaqoji Kollecində “31 mart-Azərbaycanlıların soyqırımı günü tariximizin qanlı səhifəsidir” mövzusunda elmi-praktik konfrans keçirilmişdir.
AZƏRTAC xəbər verir ki, tədbirdə çıxış edən kollecin direktoru Əlihəsən Həmzəyev bildirmişdir ki, on illiklər boyu ermənilərin xalqımıza qarşı həyata keçirdikləri soyqırımı siyasəti total ideoloji təcavüz və terrorla müşayiət olunmuşdur. Çar Rusiyası və SSRİ dövründə bu siyasət daha təhlükəli metodlarla davam etdirilmiş, azərbaycanlıların deportasiyası və soyqırımı kütləvi hal almışdır.
Soyqırımı siyasəti nəticəsində yüz minlərlə azərbaycanlının qətlə yetirildiyi, müxtəlif təcavüzlərə məruz qaldığı və doğma torpaqlarından qovulduğu, erməni millətçiləri tərəfindən məkrli siyasətin bu gün də davam etdirildiyi bildirilmişdir.
Tədbirdə çıxış edən kollecin müəllim və tələbələri erməni millətçilərinin zaman-zaman azərbaycanlılara qarşı törətdikləri soyqırımı siyasətini pisləmiş, düşmən tapdağı altında olan torpaqlarımızın Azərbaycan Prezidenti, Ali Baş Komandan İlham Əliyevin rəhbərliyi ilə geri qaytarılacaqlarına əminliklərini ifadə etmişlər.
Bölmənin digər xəbərləri
