AZƏRBAYCANLILARIN SOYQIRIMI İLƏ ƏLAQƏDAR OTTAVADA MİTİNQ KEÇİRİLMİŞDİR
Bakı, 30 mart (AZƏRTAC). Martın 29-da Kanadanın paytaxtı Ottavada Azərbaycan Kanada Təskilatları Assambleyasının təşəbbüsü və təskilatçılığı ilə 31 Mart - Azərbaycanlıların soyqırımı gününə həsr olunmuş mitinq və yürüş keçirilmişdir. Kanada Parlamenti binası önündə başlanan mitinqə Toronto, Monreal, Hamilton, Mississauga, Vaterloo və Ottava şəhərlərində fəaliyyət göstərən Azərbaycan və türk icmalarının nümayəndələri qoşulmuşlar. Aksiya iştirakçıları əvvəlcə soyqırımı qurbanlarının xatirəsi bir dəqiqəlik sükutla yad olunmuşdur. Çıxış edən soydaşlarımız azərbaycanlıların zaman-zaman ermənilər tərəfindən terror və soyqırımlara məruz qaldığını tarixi faktlarla qeyd etmişlər. Daha sonra mitinq Ottavanın hərəkətin ən gur olduğu küçələrindən birində soyqırımı lənətləyən, erməni terrorunu pisləyən, Dağlıq Qarabağa azadlıq tələb edən şüarlarla davam etdirilmişdir.
Mitinqin sonunda Ottavanın mərkəzi küçələrində yürüş keçirilmişdir.
Bölmənin digər xəbərləri
