Azərbaycanlıların soyqırımının dəhşətlərini əks etdirən məruzələr dinlənilmişdir
Bakı, 30 mart (AZƏRTAC). Binəqədi Rayon Mərkəzləşdirilmiş Kitabxana Sisteminin mərkəzi kitabxanasında 31 mart - Azərbaycanlıların soyqırımı gününə həsr edilmiş tədbir keçirilmişdir.
Kitabxanadan AZƏRTAC-a bildirmişlər ki, tədbirdə tarixin dəhşətli faciələrindən olan 31 mart soyqırımı haqqında geniş məlumat verilmiş, 1918-ci ildə erməni silahlı dəstələrinin Azərbaycanın müxtəlif bölgələrində törətdikləri vəhşiliklərdən danışılmışdır. Həmçinin “31 mart Azərbaycanlıların soyqırımı günüdür”, “Tarixin qanlı faciəsi”, “1918-ci ildə Bakı qəzasında törədilən soyqırımı”, “Quba məzarlığı tarixin böyük ittiham məhkəməsidir” mövzularında məruzələr dinlənilmişdir.
Binəqədi rayon MKS-in fəal oxucuları da soyqırımı ilə bağlı çıxışlar etmiş və şeirlər söyləmişlər.
Sonda tədbir iştirakçıları kitab sərgisi ilə tanış olmuşlar.
Bölmənin digər xəbərləri
