AZPROMO Çexiyanın bir sıra qurum və şirkətləri ilə görüşlər keçirib
Bakı, 6 mart, AZƏRTAC
Praqada səfərdə olan İxracın və İnvestisiyaların Təşviqi Agentliyinin - AZPROMO-nun nümayəndə heyəti "CzechTrade", "CzechTourism" və "CzechInvest" qurumları, həmçinin kənd təsərrüfatı və qablaşdırma sektorlarında fəaliyyət göstərən bir neçə şirkəti ilə müzakirələr aparıblar.
AZPROMO-dan AZƏRTAC-a bildirilib ki, agentliyin nümayəndə heyəti Çexiyanın bir sıra qurumları və şirkətləri ilə ikitərəfli görüşlər keçirib. Görüşlərdə agentliyin fəaliyyəti haqqında məlumat verilib, ticarət, qarşılıqlı investisiyalar və turizm sahəsində ikitərəfli əlaqələrin genişləndirilməsi üçün mövcud imkanlar diqqətə çatdırılıb. Tərəfdaşlığa dair məsələlər müzakirə olunub, təcrübə və məlumat mübadiləsinin aparılmasına dair razılıqlar əldə olunub.
Bölmənin digər xəbərləri
