AzTU-nun kafedra müdiri Alman Akademik Mübadilə Xidmətinin qrantını qazanıb
Bakı, 25 iyun, AZƏRTAC
Azərbaycan Texniki Universitetinin (AzTU) Maşınqayırma texnologiyası kafedrasının müdiri Əməkdar mühəndis, professor Nizami Yusubov növbəti beynəlxalq uğura imza atıb.
AzTU-dan AZƏRTAC-a bildirilib ki, professor Nizami Yusubov Alman Akademik Mübadilə Xidmətinin (DAAD) yüksək rəqabət şəraitində keçirilən “Yenidən Dəvət Proqramı 2026” qrant müsabiqəsinin qalibi elan olunub.
Qrant layihəsi çərçivəsində professor Nizami Yusubovun Almaniyanın Brandenburq Texniki Universitetinin (BTU Cottbus-Senftenberg) Metalkəsən dəzgahlar kafedrasında 3 aylıq elmi-tədqiqat fəaliyyəti nəzərdə tutulub. Səfər çərçivəsində əldə olunacaq elmi nəticələr AzTU-nun tədqiqat fəaliyyətinə, tədrisin müasirləşdirilməsinə və beynəlmiləlləşmə fəaliyyətinə töhfə verəcək.
Bölmənin digər xəbərləri
