Bahar Muradova: İntellektual yarışlar uşaqların istedad və bacarıqlarının inkişafı baxımından əhəmiyyətlidir
Bakı, 1 may, AZƏRTAC
“Bizim gələcək, bizimlə gələcək” adlı intellektual yarış Ulu Öndər Heydər Əliyevin 100 illik yubileyi ərəfəsində Ailə, Qadın və Uşaq Problemləri üzrə Dövlət Komitəsinin təşəbbüsü ilə keçirilib. Komitə tərəfindən təşkil olunan belə yarışlar uşaqların istedad və bacarıqlarının inkişaf etdirilməsinə, onların maraqlarına toxunan məsələlərdə iştirakının təmin olunmasına və bir-birləri ilə əlaqələrinin intensivləşməsinə kömək edir.
AZƏRTAC xəbər verir ki, bunu jurnalistlərə açıqlamasında Ailə, Qadın və Uşaq Problemləri üzrə Dövlət Komitəsinin sədri Bahar Muradova söyləyib.
“Təşkil olunan yarışlarda uşaqların həm həyəcanını, həm də sevincini görmək bizə çox böyük məmnuniyyət hissi yaşadır. Eyni zamanda, keçirilən intellektual yarışda Ulu Öndər Heydər Əliyevin fəaliyyətinə və siyasətinə aid sualların olması Ümummilli Liderin şəxsiyyətinə marağın daha da artmasına xidmət edir. Görülən odur ki, uşaqlar bu yarışlara çox həvəslə qatılırlar”, - deyə B.Muradova vurğulayıb.
Bölmənin digər xəbərləri
