“bp—Azərbaycan” şirkətinin Bakı Biznes Mərkəzində media nümayəndələri üçün növbəti seminar keçirilmişdir. Seminar qazma işinin gedişinə həsr olunmuşdu. Şirkətin qazma üzrə baş mütəxəssisi Rauf Məlikbəyov bu çətin və olduqca məsuliyyətli işin başlanğıcından son tamamlanma mərhələsinə qədər- bütün proses barədə ətraflı məlumat verməklə yanaşı, qazmada işlədilən avadanlıqlar və onların funksiyalarından danışmışdır. O, gözlənilən qumlaşma, sulaşma, yaxud balta və nasosların sıradan çıxması, lay təzyiqinin artması nəticəsində baş verən texniki qəzalar və s. hadisələrin yaranma səbəblərini, əsasən, “Azəri-Çıraq-Günəşli” yatağında qazma zamanı qarşıya çıxan analoji problemlərin timsalında konkret misallarla izah etmişdir.