Bakı-Quba avtomobil yolunun kənarında 12 qoz ağacının kəsilməsi faktı aşkarlanıb
Bakı, 16 may, AZƏRTAC
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin əməkdaşları ətraf mühitin mühafizəsi haqqında qanunvericiliyin tələblərinə riayət olunmasını yoxlamaq məqsədilə reyd keçiriblər.
Nazirliyin mətbuat xidmətindən AZƏRTAC-a verilən xəbərə görə, reyd zamanı Bakı-Quba magistral avtomobil yolunun Vladimirovka kəndi ərazisindən keçən hissəsində diametri 24-50 santimetr olan yaşköküstə 12 qoz ağacının kəsildiyi aşkar edilib və təbiətə 5500 manat məbləğində ziyan dəydiyi məlum olub. Faktla bağlı akt tərtib edilib. Ağacları kəsən şəxsin müəyyənləşdirilməsi üçün Quba Rayon Polis Şöbəsinə məktub göndərilib.
Bölmənin digər xəbərləri
