Bakı-Quba-Rusiya avtomobil yolunun bir hissəsində hərəkət məhdudlaşdırılacaq
Bakı, 22 avqust, AZƏRTAC
M1 Bakı-Quba-Rusiya Federasiyası ilə dövlət sərhədi avtomobil yolunun 28-ci kilometrlik hissəsində yerüstü piyada keçidinin tikintisi ilə əlaqədar olaraq avqustun 26-da saat 01:00-dan 07:00-dək hər iki istiqamətdə avtonəqliyyat vasitələrinin hərəkəti məhdudlaşdırılacaq.
Azərbaycan Avtomobil Yolları Dövlət Agentliyindən AZƏRTAC-a bildirilib ki, sürücülərdən qeyd olunan saatlarda həmin hissədə hərəkətdə olarkən diqqətli olmaları, yol hərəkəti qaydalarına riayət etmələri və ərazidə quraşdırılmış müvəqqəti yol nişanlarının tələblərinə uyğun avtonəqliyyat vasitələrini idarə etmələri xahiş olunur.
Bölmənin digər xəbərləri
