Bakı rusiyalı turistlərin ən çox səyahət etdikləri 5 şəhər siyahısına daxil olub
Bakı, 19 may, AZƏRTAC
Rusiyanın “Travel.ru” saytının məlumatına əsasən, Azərbaycanın paytaxtı Bakı rusiyalı turistlərin yayda istirahət üçün ən çox səyahət etdikləri 5 şəhər siyahısına daxil olub.
Mədəniyyət və Turizm Nazirliyindən AZƏRTAC-a bildirilib ki, reytinq əsasən iyunun 1-dən avqustun 31-dək turistlər üçün mehmanxana, mənzil tipli mehmanxana və sərbəst səyahətə görə bron edilən yerlər üzrə təyin edilib.
Hazırda rusiyalı turistlər üçün Bakı və Minsk ən aşağı büdcəli paytaxt (yaşamaq üçün sutkada orta hesabla 45 avro - 76 AZN), London isə ən bahalı paytaxtdır (orta hesabla 200 avro - 338 AZN).
İlk onluqda Praqa, Minsk, Paris, Riqa, Bakı, Tallinn, Roma, Barselona, Helsinki və London şəhərləri yer alıb.
Məqalənin tam mətnini aşağıda qeyd edilən linkdən oxumaq olar:
http://rg.ru/2016/05/18/reg-szfo/nazvany-samye-populiarnye-goroda-dlia-letnih-poezdok.html
Bölmənin digər xəbərləri
