Bakı Slavyan Universitetindən növbəti vətənpərvər addım
Bakı, 2 oktyabr, AZƏRTAC
Bakı Slavyan Universiteti (BSU) tərəfindən növbəti vətənpərvər addım atılıb.
Bu barədə AZƏRTAC-a BSU-nun mətbuat xidmətindən məlumat verilib. Bildirilib ki, Yeni Azərbaycan Partiyasının İdarə Heyətinin üzvü, partiyanın Qadınlar Şurasının sədri, BSU-nun rektoru, professor Nurlana Əliyevanın müvafiq əmr və tövsiyəsinə uyğun olaraq universitet tərəfindən Azərbaycan Ordusuna yardım məqsədilə Silahlı Qüvvələrə Yardım Fonduna 20 min manat vəsait köçürülüb.
“Qeyd edək ki, universitet kollektivinin könüllü şəkildə bu vacib aksiyaya qoşulması bu ali təhsil müəssisəsinin bir daha xalqla, dövlətlə birlik və həmrəylik nümayiş etdirdiyini, Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin və Azərbaycan Ordusunun yanında olduğunu sübut edir”, - deyə BSU-nun məlumatında bildirilir.
Bölmənin digər xəbərləri
