Bakı təcrübəsindən yararlanan Kiyev 75 metr hündürlüyündə bayraq dirəyi ucaldacaq
Kiyev, 28 noyabr, AZƏRTAC
Kiyev şəhərində İkinci Dünya müharibəsi dövrünə aid Ukrayna Milli Tarixi Muzey Memorial Kompleksinin ərazisində 75 metr hündürlüyündə bayraq dirəyi ucaldılacaq.
Bu barədə AZƏRTAC-a Kiyev şəhər Administrasiyasından məlumat verilib.
Məlumata görə, bayraq dirəyinin qoyulması zamanı Bakının təcrübəsindən yararlanılacaq. Bayraq dirəyinin qoyulması üçün elan edilən tender dekabrın 7-də başa çatacaq. Bunun üçün xərclərin 48 milyon qrivenə (1 mln. 800 min dollara yaxın) başa gələcəyi proqnozlaşdırılır.
Bayraq dirəyinin qurulmasının 2018-ci il iyunun 30-dək yekunlaşdırılması nəzərdə tutulur.
Emil Hüseynli
AZƏRTAC-ın xüsusi müxbiri
Kiyev
Bölmənin digər xəbərləri
