BAKI ZOOPARKININ DİREKTORU BEYNƏLXALQ KONFRANSDA İŞTİRAK ETMİŞDİR
Bakı, 17 iyun (AZƏRTAC). İyunun 7-dən 12-dək Udmurtiyanın paytaxtında keçirilmiş Avrasiya Regional Zooparklar və Akvariumlar Assosiasiyasının (ARZAA) Beynəlxalq konfransına İjevskdə yekun vurulmuşdur. Respublika zooparkı ilə tanışlıq və bioloqların ən vacib problemlərini müzakirə etmək məqsədi ilə İjevskdə dünyanın 13 ölkəsindən 105 mütəxəssis toplaşmışdı. Azərbaycanı həmin konfransda Bakı zooparkının direktoru Azər Hüseynov təmsil etmişdir.
Zoopark direktorlarının iclasında məruzələr dinlənilmiş, ciddi problemlər araşdırılmış və onların həlli yolları müzakirə edilmişdir.
Konfrans çərçivəsində ən parlaq yaddaqalan hadisələrdən biri zooparkın ərazisində “Meymunlar ölkəsi” pavilyonunun açılışı olmuşdur. Təntənəli mərasimdə Udmurtiya Respublikasının Prezidenti və zooparkın yaradılması təşəbbüsçüsü Aleksandr Volkov iştirak etmişdi.
Bölmənin digər xəbərləri
