BAKI ZOOPARKININ ƏMƏKDAŞLARI RUSİYADA KEÇİRİLƏN BEYNƏLXALQ KONFRANSDA İŞTİRAK EDİRLƏR
Bakı, 8 iyun (AZƏRTAC). Rusiyanın İjevsk şəhərində Zoopark və Akvariumların Avrasiya Regional Assosiasiyasının konfransı keçirilir.
Rusiya KİV-lərinin yaydığı xəbərə görə, tədbirdə Polşa, Slovakiya, Belarus, İsrail, Çexiya, Estoniya, Rusiya ilə yanaşı, Bakı zooparkının əməkdaşları da iştirak edirlər.
16 il əvvəl Moskva zooparkının bazasında fəaliyyətə başlayan Zoopark və Akvariumların Avrasiya Regional Assosiasiyası vəhşi məməli heyvanların, quşların, balıqların, ümumiyyətlə faunanın müxtəlif növlərini qorumaq üçün səyləri birləşdirmək məqsədi ilə yaradılmışdır. Hazırda Rusiyanın və MDB ölkələrinin 56 zooparkı bu qurumun üzvüdür.
Təşkilatın fəaliyyətinə birgə tədqiqatların aparılması, bu sahədə məşğul olan əməkdaşların peşəkarlığını artırmaq məqsədi ilə konfrans və seminarların təşkili, birgə proqramların həyata keçirilməsi üçün vəsaitin axtarılması, heyvanların mübadiləsi və s. daxildir.
Bölmənin digər xəbərləri
