BAKIDA DÜNYA ƏTRAF MÜHİT GÜNÜ MÜNASİBƏTİLƏ KÜTLƏVİ AĞACƏKMƏ KAMPANİYASI KEÇİRİLƏCƏKDİR
Bakı, 2 iyun (AZƏRTAC). Birləşmiş Millətlər Təşkilatının Ətraf Mühit Proqramı 2010-cu ildə 5 iyun - Dünya Ətraf Mühit Gününün Avropa regionunda qeyd edilməsi üçün İtaliyanın Genuya, İsveçrənin Cenevrə və Bakını mərkəz şəhərlər elan etmişdir.
Bakıda Dünya Ətraf Mühit Günü kütləvi ağacəkmə kampaniyası və müxtəlif tədbirlərlə qeyd olunacaqdır.
Əlamətdar gün münasibətilə BMT-nin Ətraf Mühit Proqramının Avropa bürosunun direktoru Kristof Buvye Azərbaycana gələcək və iyunun 3-də Ekologiya və Təbii Sərvətlər Nazirliyi (ETSN) tərəfindən Zığ-Heydər Əliyev adına hava limanı magistral avtomobil yolunun 10-cu kilometrliyində keçiriləcək kütləvi ağacəkmə kampaniyasına qoşulacaqdır.
ETSN, dövlət və qeyri-hökumət təşkilatlarının, diplomatik korpusun, beynəlxalq təşkilatların Azərbaycandakı nümayəndəliklərinin və kütləvi informasiya vasitələrinin iştirakı ilə keçiriləcək kampaniyada zeytun, şam, sərv və tuya ağacları əkiləcəkdir.
Bölmənin digər xəbərləri
