Bakıda Finlandiyanın turizm potensialının təqdimatı keçirilmişdir
Bakı, 13 sentyabr (AZƏRTAC). Sentyabrın 12-də “Qafqaz Baku City” otelində Finlandiyanın “Easy travel” turizm şirkəti bu ölkənin turizm imkanları ilə bağlı təqdimat keçirilmişdir.
AZƏRTAC xəbər verir ki, “Easy travel”in Azərbaycandakı tərəfdaşı olan “Millennium Tourism” şirkəti ilə birgə gerçəkləşən tədbirdə Baltikyanı ölkələrin turizm imkanları da təqdim edilmişdir.
Tədbirdə “Easy travel” şirkətinin baş direktoru Aleksandr Sirota təmsil etdiyi qurum haqında ətraflı məlumat vermişdir.
Şirkət rəhbəri demişdir ki, Azərbaycanda təqdimat keçirməkdə əsas məqsədimiz yerli turoperatorların Finlandiya haqqında daha çox məlumat əldə etməsinə nail olmaq və azərbaycanlı turistləri bu ölkəyə cəlb etməkdir. Onun sözlərinə görə, Finlandiyada xüsusilə qış turizmi ilə bağlı geniş imkanlar mövcuddur və istənilən Azərbaycan vətəndaşı bundan yararlana bilər.
Bölmənin digər xəbərləri
