Bakıda və Abşeron yarımadasında leysan yağacaq, şimşək çaxacaq – Xəbərdarlıq
Bakı, 14 aprel, AZƏRTAC
Aprelin 14-dən 15-nə keçən gecədən başlayaraq Bakıda və Abşeron yarımadasında hava şəraitinin fasilələrlə yağıntılı olacağı, şimşək çaxacağı, yağışın leysan xarakterli olacağı, arabir intensivləşəcəyi gözlənilir.
Bu barədə AZƏRTAC-a Milli Hidrometeorologiya Xidmətindən bildirilib.
Qeyd olunub ki, aprelin 16-da yağışın aramsız güclü olacağı ehtimalı yüksəkdir. Prosesin şimşək və güclü küləklə müşayiət olunacağı gözlənilir.
Gözlənilən intensiv və güclü yağışla əlaqədar Abşeron yarımadasının bəzi ərazilərində subasma halları istisna olunmur. Prosesin aprelin 17-dək davam edəcəyi gözlənilir.
Bölmənin digər xəbərləri
