Bakının “İdman Akademiyası” həndbol komandası Gürcüstana yola düşüb
Bakı, 24 oktyabr, AZƏRTAC
Oktyabrın 25-də və 26-da qadın həndbolçuların Azərbaycan çempionatında növbəti oyunlar keçiriləcək.
AZƏRTAC Azərbaycan Həndbol Federasiyasının rəsmi saytına istinadla xəbər verir ki, Tbilisidə keçiriləcək qarşılaşmalarda Gürcüstanın “Olimpiya” kollektivi ilə Bakının “İdman Akademiyası” komandası üz-üzə gələcək.
Oktyabrın 25-də keçiriləcək görüşə “Olimpiya” nominal meydança sahibi kimi çıxacaq. Bu qarşılaşmanın idarəçiliyi hakimlər Famil Qasımov və Eldar Əmirova həvalə olunub.
Oktyabrın 26-da təşkil olunacaq görüşü isə gürcüstanlı hakimlər briqadası idarə edəcək.
Qeyd edək ki, razılaşmaya əsasən, Azərbaycan çempionatında mübarizə aparan Gürcüstanın “Olimpiya” komandası 20 oyundan 10-nu Bakıda, 10-nu isə Tbilisidə keçirəcək.
Bölmənin digər xəbərləri
