BAKININ “İNTER” KOMANDASININ YENİYETMƏ FUTBOLÇULARI ÇEXİYALI HƏMYAŞIDLARINA MƏĞLUB OLDULAR
Bakının “İnter” klubunun yeniyetmə futbolçuları Fransada beynəlxalq turnirdə iştirak edirlər.
Klubdan AZƏRTAC-a bildirmişlər ki, uğurlu oyunlar silsiləsini davam etdirərək yarımfinala qədər irəliləyən “İnter”in futbolçuları bu mərhələdə Çexiyanın “Banik” komandasına 1:0 hesabı ilə uduzmuşlar.
Yarımfinala qədər isə Azərbaycan futbolçuları ilk görüşdə Fransanın “Leskin” komandası ilə heç-heçə (0:0) oynamış, yerli “Dunkerk” və “Amyen” komandaları üzərində eyni hesabla (3:0) qalib gəlmiş, Belçikanın “Vareqem” klubunu isə 1:0 hesabı ilə məğlub etmişdilər.
Bölmənin digər xəbərləri
