BALAKƏNDƏ ÜMUMMİLLİ LİDERİMİZ HEYDƏR ƏLİYEVİN ABİDƏSİ UCALDILMIŞDIR
Balakən şəhərinin mərkəzində ümummilli liderimiz Heydər Əliyevin adını daşıyan bağda ulu öndərimizin xatirəsinə ucaldılmış büstün təntənəli açılış mərasimi keçirilmişdir.
AZƏRTAC-ın müxbiri xəbər verir ki, büstün üzərindəki ağ örtük götürüləndə sonra abidənin önünə tər çiçəklər düzülmüşdür. Meydana toplaşan minlərlə balakənli bu tarixi hadisəni hərarətli alqışlarla qarşılamışdır.
Tədbirdə Balakən rayon icra hakmiyyətinin başçısı Nəsib Məhəməliyev,
Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov və rayon ictimaiyyətinin nümayəndələri çıxış edərək görkəmli dövlət xadimi, dünya şöhrətli siyasətçi, müstəqil Azərbaycanın memarı və qurucusu Heydər Əliyevin xalqımız və dövlətçiliyimiz qarşısındakı əvəzsiz tarixi xidmətlərindən danışmışlar.
Mərasimin sonunda məktəblilər ulu öndərə həsr olunmuş ədəbi-bədii kompozisiya göstərmişlər.
Bölmənin digər xəbərləri
