Banqladeş bəzi sosial media platformalarını bloklamağı düşünür
Bakı, 1 aprel, AZƏRTAC
Banqladeş Nazirlər Kabinetinin qanun və nizamnamə komitəsinin sədri Mozammel Haque bildirib ki, əgər feysbuk və yutub sosial media şəbəkələri hökumətin “dezinformasiyaya” nəzarət etmək göstərişinə məhəl qoymasa, ölkədə onların fəaliyyəti müvəqqəti dayandırılacaq.
AZƏRTAC “Bangladesh Sangbad Sangstha” agentliyinə istinadla xəbər verir ki, komitə sədri öz açıqlamasında sosial media haqqında qanunun müddəalarını əsas gətirib.
Onun sözlərinə görə, sosial media platformaları hökumət tərəfindən dəfələrlə edilmiş etirazlara baxmayaraq, şayiələrin yayılmasına və kibercinayətlərə qarşı tədbir görmür. Feysbuk və yutub platformalarının Banqladeşdə ofisləri olmadığı üçün onlar yerli hökumətin tövsiyə və göstərişlərinə məhəl qoymurlar.
Bölmənin digər xəbərləri
