BARSELONADA İRAN SƏRGİSİ KEÇİRİLMİŞDİR

20.06.2006 [13:24]
Çap et
A⁺ A^-

AZƏRTAC İRNA agentliyinə istinadla xəbər verir ki, Barselonada (İspaniya) “Unudulmuş imperiya: Qədim İran dünyası” sərgisi başa çatmışdır. Sərgi İranın Əhəmənilər imperiyasının tarixinə, siyasətinə, mədəniyyət və incəsənətinə həsr edilmişdi.

Ekspozisiya İran Milli Muzeyinin, Britaniya, Berlin və Luvr (Fransa) muzeylərinin birgə səyləri ilə, İspaniyada üçaylıq İran mədəniyyət proqramı çərçivəsində təşkil olunmuşdu. Sərgidə İranın Əhəmənilər dövrünə, habelə onun islamdanəvvəlki digər sülalələrinə aid incəsənət və mədəniyyətinin 400-dən çox arxeoloji nümunəsi nümayiş etdirilmişdir.

Eksponatlarla Barselonanın 140 minədək sakini və qonağı tanış olmuşdur. Proqram çərçivəsində konfrans və simpoziumlar da keçirilmiş, mühazirələr oxunmuş, filmlər göstərilmiş, konsertlər verilmişdir.

Konfranslarda İran alimləri ilə yanaşı, Böyük Britaniya, Fransa, ABŞ, Avstriya, Almaniya və İtaliyadan olan tədqiqatçıları da iştirak etmişlər.