Basketbol üzrə milli komandamız beynəlxalq turniri gümüş medalla başa vurub
Bakı, 8 noyabr, AZƏRTAC
Aşqabadda qadınlar arasında basketbolun 3x3 növü üzrə beynəlxalq turnir keçirilib.
AZƏRTAC xəbər verir ki, turnirdə milli komandamız da çıxış edib.
Yarışda yığmamızdan başqa, Rusiya, İran, Özbəkistan, Qazaxıstan, Qırğızıstan və Türkmənistan komandaları da medallar uğrunda mübarizə aparıblar.
Basketbolçularımız qrup mərhələsində yaxşı nəticə göstərərək yarımfinala yüksəliblər. Bu mərhələdə millimiz özbəkistanlı rəqiblərini 10:8 hesabı ilə məğlub ediblər.
Finalda millimiz ev sahibi Türkmənistan yığması ilə qarşılaşıb. Gərgin idman mübarizəsi şəraitində keçən oyunda qızlarımız cəmi iki top fərqi ilə rəqibə uduzaraq (19:21) turniri gümüş medalla başa vurublar.
Bölmənin digər xəbərləri
