Başqa ölkələrdəki zəlzələlərin Tovuzda və Xəzərdəki təkanlarla əlaqəsi yoxdur
Bakı, 16 avqust, AZƏRTAC
Bu gün Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin Zəlzələlərin Tədqiqatı Bürosu tərəfindən respublika ərazisində qeydə alınan Tovuz ( ml=3.6) və Xəzər dənizi (ml=4) zəlzələləri zəif hiss olunan və zəif zəlzələlər qrupuna aiddir.
AZƏRTAC xəbər verir ki, bunu Respublika Seysmoloji Xidmət Mərkəzinin Elektron Xidmətlər şöbəsinin müdiri Vüsalə Rafiqqızı deyib.
Onun sözlərinə görə, seysmik baxımdan aktiv ərazilərdə zəif, zəif hiss olunan və hiss olunan zəlzələlərin qeydə alınması ərazinin seysmikliyi baxımdan mümkündür: "Vaxtaşırı bizim seysmik bölgələrimizdə maqnutudası 3 və 3-dən yuxarı olan zəlzələlər qeydə alınır və bu barədə ictimaiyyət mütəmadi olaraq məlumatlandırılır. Bu gün qeydə alınan hər iki zəlzələ zəif zəlzələdir. Başqa ölkələrdə baş verən zəlzələlərin həmin yeraltı təkanlarla hər hansı əlaqəsi yoxdur".
Bölmənin digər xəbərləri
