Bayden: ABŞ təmiz enerjiyə keçiddə geri addım atmayacaq
Bakı, 18 noyabr, AZƏRTAC
“ABŞ-da heç kim təmiz enerjiyə keçiddə geri addım atmayacaq”.
AZƏRTAC xəbər verir ki, bunu ABŞ Prezidenti Co Bayden Braziliyanın Manaus şəhərinə səfəri zamanı mətbuat konfransında bildirib.
“Mən vəzifəmi yanvarda tərk edirəm. Mən öz xələfimə və ölkəmə tikinti üçün möhkəm təməl miras qoymuşam. Ola bilsin kimlərsə Amerikada təmiz enerjiyə keçidi inkar edə və ya ləngitməyə cəhd göstərə bilər. Lakin heç kim, heç kim geri addım ata bilməz” – deyə, dövlət başçısı vurğulayıb.
“Planeti qorumaq uğrunda mübarizə bütün bəşəriyyəti və gələcək nəsilləri qorumaq üçün mübarizədir” – deyə, Bayden bildirib.
Bölmənin digər xəbərləri
