BDU aliminin nəzəri fizika sahəsində araşdırmalarının nəticələri nüfuzlu jurnalda yer alıb
Bakı, 10 yanvar, AZƏRTAC
Bakı Dövlət Universitetində (BDU) yeni elmi araşdırmalar aparılır.
Universitetin nəzdində Fizika Problemləri Elmi-Tədqiqat İnstitutunun Nəzəri fizika şöbəsinin aparıcı elmi işçisi Şahin Məmmədovun “AdS/KXD-də tenzor mezon qarşılıqlı təsir sabitləri” adlı məqaləsində tenzor mezonlarla nuklonların qarşılıqlı təsir sabiti AdS/KXD-nin sərt- və yumşaq-divar modelləri çərçivəsində hesablanıb, müqayisə edilib. Habelə tenzor mezonların iki fotona və bir foton, bir ro mezona parçalanma sabitləri hesablanıb və tədqiq olunub.
Bu barədə AZƏRTAC-a BDU-dan məlumat verilib.
Məqalə “Web of Science” bazasında Q1 kvartillli jurnallar siyahısına daxil olan Amerika Fizika Cəmiyyətinin “Physical Review D” jurnalında dərc olunub.
Bölmənin digər xəbərləri
