BDU-da Elm Gününə həsr olunmuş ilk mühazirə dinlənilib
Bakı, 19 mart, AZƏRTAC
Bakı Dövlət Universitetində (BDU) 27 mart - Elm Gününə həsr olunmuş mühazirələr silsiləsindən "Azərbaycan tarixinin aktual elmi problemləri, onların tədqiqi və tədrisi məsələləri" mövzusunda onlayn mühazirə keçirilib.
Universitetdən AZƏRTAC-a bildirilib ki, Tarix fakültəsinin elmi işlər üzrə dekan müavini Kəmalə Nəcəfova BDU-nun və BDU-nun Qazax filialının professor-müəllim heyəti və tələbələrinə mühazirə oxuyub.
K.Nəcəfova Azərbaycan tarix elminin aktual problemləri, onların tədqiqi və tədrisi məsələləri, Azərbaycan adının anlamı və tarixi coğrafiyası, soykökü problemi və etnogenezis, Azərbaycan tarixinin dövrləşdirilməsi, mənbəşünaslığı və tarixşünaslığı məsələləri haqqında geniş məlumat verib. Eyni zamanda, yadelli işğalçılara qarşı azadlıq hərəkatı və Azərbaycan xalqının qəhrəmanlıq tarixi, tarixi saxtalaşdıranlara qarşı mübarizə: erməni yalanları və həqiqətlər, milli dövlətçilik tarixinin əsas mərhələləri haqqında ümummilli lider Heydər Əliyevin tövsiyələri, Azərbaycanın maddi-mədəniyyət tarixi, 44 günlük Vətən müharibəsində əldə olunan parlaq Qələbə və onun Azərbaycan tarixində yeri və sair məsələlərə toxunub.
Bölmənin digər xəbərləri
