BDU-nun 9 tələbəsi “Gənc qızların təhsilinə dəstək” layihəsi üzrə məzun olub
Bakı, 25 iyun, AZƏRTAC
Bakı Dövlət Universitetinin (BDU) 9 tələbəsi Ailə, Qadın və Uşaq Problemləri üzrə Dövlət Komitəsi, Elm və Təhsil Nazirliyi və Təhsilin İnkişafı Fondunun birgə əməkdaşlığı ilə həyata keçirilən “Gənc qızların təhsilinə dəstək” layihəsi çərçivəsində təşkil olunan “Məzun günü”ndə iştirak edərək təqaüd proqramlarını uğurla başa vurub.
Universitetdən AZƏRTAC-a bildirilib ki, BDU-nun tələbələri Günel Cəfərova, Türkan Həsənova, Xumar Məmmədova, Lalə Əlizadə, Aysu Ayaz və Səbinə Ağalarzadə “Hənifə Məlikova – Zərdabi adına qızların təhsilinə dəstək” təqaüd proqramını, Kişvər İbişova, Maya Əsədzadə və Gülxar Kişmişova isə “Parla” təqaüd proqramını uğurla başa vuraraq məzun olublar.
Qeyd edək ki, 2021-ci ildə ali təhsil müəssisələrinə yüksək balla qəbul olmuş və “Hənifə Məlikova - Zərdabi adına qızların təhsilinə dəstək” təqaüd proqramı, “Sən Tək Deyilsən” layihəsi çərçivəsində reallaşdırılan “Gələcəyə əmin addımlarla” şəhid xanımlarının təhsilinə dəstək proqramı, eləcə də digər təqaüd proqramları üzrə məzun olan gənclər bir araya gəliblər.
Bölmənin digər xəbərləri
