Bələdiyyə seçkiləri ilə əlaqədar Mətbuat Şurasında “qaynar xətt” fəaliyyət göstərəcək
Bakı, 28 yanvar, AZƏRTAC
Sabah – yanvarın 29-da ölkəmizdə keçiriləcək bələdiyyə seçkiləri ilə əlaqədar Mətbuat Şurasında “qaynar xətt” fəaliyyət göstərəcək.
Bu barədə AZƏRTAC-a Mətbuat Şurasından məlumat verilib.
Bildirilib ki, jurnalistlər qeyd edilmiş nömrələrlə əlaqə saxlayaraq, prosesin işıqlandırılması zamanı mümkün anlaşılmazlıqlar və problemlər barədə məlumat vermək imkanı əldə edə biləcəklər.
Qeyd edək ki, Mətbuat Şurası jurnalistlərin seçkilərin işıqlandırılması ilə bağlı sərbəst fəaliyyətlərinə dəstək məqsədilə müvafiq instansiyalarla əlaqəli şəkildə çalışacaq. Şuranın (012) 441 35 96 şəhər, (050) 242 09 91 və (055) 789 85 03 mobil nömrələri səsvermə başlayan andan bitənədək “qaynar xətt” rejimində işləyəcək.
Bölmənin digər xəbərləri
