BƏRDƏ PAMBIQÇILARI İLİ UĞURLA BAŞA VURMUŞLAR
“Qarabağ-Pambıq” Açıq Səhmdar Cəmiyyətinin sədri Qabil Süleymanov AZƏRTAC-ın müxbirinə bildirmişdir ki, son illər rayonda pambıqçılığın inkişafına diqqət artırılmış, əkin sahələri genişləndirilmişdir. Cari ildə 7 min 053 hektar sahəyə çiyid səpilmişdir ki, bu da ötən illə müqayisədə 2 min 330 hektar çoxdur. Əkin sahələrinin genişləndirilməsi sayəsində 2 min nəfərdən çox adam mövsümi işlərə cəlb olunmuş, 1700 torpaq mülkiyyətçisi və fermer təsərrüfatı ilə müqavilə bağlanmışdır. Sahələrdə, əsasən, “Ağ qızıl”, “Muğan-95”, “30-38” və digər yüksək məhsuldar sortlar əkilmişdir. Hazırda gələn ilin məhsulu üçün sahələr şumlanır.
Bölmənin digər xəbərləri
