BƏRDƏDƏ XOCALI FACİƏSİNİN 17-Cİ İLDÖNÜMÜ QEYD OLUNMUŞDUR
Bərdə, 26 fevral (AZƏRTAC). Xocalı faciəsinin 17-ci ildönümü respublikanın bütün bölgələrində olduğu kimi, Bərdə rayonunda da qeyd olunmuşdur. Rayon ictimaiyyətinin nümayəndələri əvvəlcə Şəhidlər xiyabanına gələrək mərd mübarizlərin məzarları üstünə tər çiçəklər düzmüşlər.
Mədəniyyət evində keçirilən tədbirdə rayon icra hakimiyyətinin başçısı İlham Ağayev 17 il əvvəl erməni millətçiləri tərəfindən Xocalıda dinc əhaliyə qarşı törədilən faciədən danışmışdır.
Xocalı sakini Ramiz Qəhrəmanov canlı şahidi olmuş o müdhiş gecənin dəhşətli anlarından söz açmışdır. Rayon icra hakimiyyəti tərəfindən Xocalıdan olan bir qrup şəhid ailəsinə yardım edilmişdir.
Sonda Şuşa Dövlət Dram Teatrı Elnarə Abdullayevanın “Ağ qayıq” tamaşasını göstərmişdir.
Bölmənin digər xəbərləri
