BERLİNDƏ MƏHƏMMƏD ƏLİYƏ “SÜLH MEDALI” TƏQDİM OLUNMUŞDUR

19.12.2005 [16:54]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, dünya boksunun əfsanəsi Məhəmməd Əli (Kassisus Kley) Otto Hana adına qızıl “Sülh medalı”na layiq görülən ilk idmançı olmuşdur. Almaniyanın BMT-yə yardım cəmiyyətinin bu mükafatını 63 yaşlı boksçuya Berlinin burqomistri Klaus Voverayt təqdim etmişdir.

Məhəmməd Əli bu mükafata ABŞ vətəndaş hərəkatında fəal iştirakına və BMT-nin səfiri kimi sülh uğrunda mübarizəyə böyük töhfəsinə görə layiq görülmüşdür. Klaus Voverayt demişdir: “O, təkcə çempion deyil, həm də xalqlar arasında qarşılıqlı anlaşma və emansipasiya uğrunda mübarizə aparan sülh elçisidir. Məhəmməd Əli rinqdə qazandığı məşhurluğu sülh uğrunda mübarizə üçün istifadə etmişdir.

1967-ci ildə dünya çempionu adı qazanan və Roma olimpiadasında qalib gələn Məhəmməd Əli Vyetnamda gedən müharibədə iştirakdan imtina etmişdir. Onun əqidəsinə görə, bu qırğın İslam qanunlarına zidd idi. Məhəmməd Əli peşəkar idmandan getdikdən sonra İslamın təbliği ilə məşğul olmaqla yanaşı, humanitar sahədə də fəaliyyət göstərmişdir.

Məhəmməd Əli Otto Hana adına “Sülh medalı” ilə təltif olunmuş doqquzuncu adamdır.