BERLİNDƏ “QOBUSTAN-AZƏRBAYCAN JURNALI” RADİO VERİLİŞİ EFİRƏ ÇIXIR

22.06.2006 [14:27]
Çap et
A⁺ A^-

AZƏRTAC-ın xüsusi müxbiri xəbər verir ki, Almaniya paytaxtındakı Humboldt Universiteti və Berlin Azad Universitetində təhsil alan bir qrup azərbaycanlı tələbənin təşəbbüsü, Azərbaycanın Almaniyadakı səfirliyinin səyi və dəstəyi nəticəsində Alman radiosunun ultra qısa dalğası - UKW (Ultrakurzwelle) - 97,2 -də “Qobustan-Azərbaycan jurnalı” radio verilişinə efir vaxtı ayrılmışdır.

Hər ayın üçüncü bazar günü efirə gedən verilişində ölkəmizlə bağlı aktual siyası, iqtisadi, mədəni və idman xəbərləri səsləndirilir, müstəqil Azərbaycanın coğrafiyası və təbiəti, ərazisi, əhalisi, təbii sərvətləri, zəngin mədəni irsi təbliğ olunur.

“Qobustan-Azərbaycan jurnalı”nın yaxın gələcəkdə yalnız Berlində deyil, Almaniyanın digər şəhərlərində də yayımlanması nəzərdə tutulur.