Beyləqanlılar soyqırımı qurbanlarının xatirəsini ehtiramla yad etmişlər
Beyləqan, 30 mart (AZƏRTAC). 31 mart - Azərbaycanlıların soyqırımı günü münasibətilə Beyləqan rayonunda anma mərasimi keçirilmişdir.
AZƏRTAC xəbər verir ki, rayon rəhbərliyi, hüquq mühafizə orqanlarının əməkdaşları, ictimaiyyətinin nümayəndələri, ziyalılar, ağsaqqallar, veteranlar, gənclər Beyləqan şəhərindəki “Azərbaycanlıların soyqırımı” abidə-kompleksi önünə gül-çiçək düzmüş, soyqırımı qurbanlarının xatirəsini ehtiramla yad etmişlər.
Burada keçirilən mərasimdə çıxış edənlər ermənilərin zaman-zaman azərbaycanlılara qarşı həyata keçirdikləri etnik təmizləmə və soyqırımı siyasətindən, 1918-ci il martın 31-də həyata keçirilən kütləvi qırğınlardan danışmışlar.
Çıxışlarda ümummilli lider Heydər Əliyevin “Azərbaycanlıların soyqırımı haqqında” 1998-ci il 26 mart tarixli Fərmanında bu qanlı cinayətə əsl hüquqi və siyasi qiymətin verildiyi vurğulanmış, mənfur düşmənlərimizin məkrli niyyətləri barədə əsl həqiqətlərin dünya ictimaiyyətinə çatdırılmasında Prezident İlham Əliyevin fəaliyyəti yüksək qiymətləndirilmişdir.
Bölmənin digər xəbərləri
