BEYNƏLXALQ EKSPERTLƏRİN İŞTİRAKI İLƏ İNSAN HÜQUQLARI ÜZRƏ MƏŞĞƏLƏLƏR KEÇİRİLİR
“Müvəqqəti saxlama təcridxanalarının və cəzaçəkmə müəssisələrinin monitorinqi” mövzusunda keçirilən növbəti seminarda ombudsman Elmira Süleymanova sahə mütəxəssislərinin yetişdirilməsində, peşə hazırlığının yüksəldilməsində İnsan Hüquqları və Humanitar Hüquq İnstitutunun mühüm rolunu qeyd etmişdir. O, Ombudsman Aparatının fəaliyyəti barədə məlumat vermiş, təsisatın yaranmasında və formalaşmasında beynəlxalq təşkilatların köməyini, insan hüquqları baxımından onun daim təkmilləşdirilməsinə səy göstərildiyini vurğulamışdır.
B.Çapmen Azərbaycan ombudsmanının qısa vaxt ərzində vətəndaşların hüquq və azadlıqlarının qorunması sahəsində fəaliyyətini yüksək dəyərləndirmiş, bu baxımdan təsisatda dinamik proseslərin getdiyini söyləmiş, müvafiq məsləhətlər vermişdir.
Seminar iştirakçıları canlı diskussiya, fikir və təcrübə mübadiləsi aparmışlar.
Məşğələdə ombudsmanın Quba, Şəki və Cəlilabaddakı regional mərkəzlərinin əməkdaşları da iştirak etmişlər.
Bölmənin digər xəbərləri
