DÜNYA
Beynəlxalq Valyuta Fondu Fransanın tənəzzülünü proqnozlaşdırıb
![Beynəlxalq Valyuta Fondu Fransanın tənəzzülünü proqnozlaşdırıb](/files/2023/1/1200x630/16817299626069238684_1200x630.jpg)
Paris, 17 aprel, AZƏRTAC
Beynəlxalq Valyuta Fondu qarşıdakı illərdə (BVF) Fransanın tənəzzülünü proqnozlaşdırıb. Proqnozlara görə, Fransa geridə qalır və o, avro zonasında dövlət borcunu 2028-ci ilə qədər azaltmayan yeganə ölkə olaraq qalacaq.
AZƏRTAC xəbər verir ki, bu haqda BVF-nin maliyyə siyasətləri haqqında hesabatında qeyd edilib.
BVF-nin hesabatına əsasən, Avropa ölkələri qarşıdakı beş ildə dövlət borcunu azaldacaq. Yalnız Fransanın dövlət borcu davamlı artacaq və 2028-ci ildə ÜDM-nin 115 faizinə çataraq, hətta pandemiya dövründəki ən yüksək səviyyəni üstələyəcək.
Fransa statistika və iqtisadi tədqiqatlar institutunun məlumatına görə, təkcə ötən il bu ölkənin dövlət borcu 126,4 milyard avro artıb. 2023-2028-ci illər arasında ÜDM-nin 5,3 faizi və 3,9 faizi qədər olan dövlət xərcləri və gəlirləri arasındakı nisbətdə Fransa büdcəsində illik kəsir yaranacağı gözlənilir. Beləliklə, büdcə kəsiri 2027-ci il üçün 3 faizə düşməyəcək.
BVF ikiillik azalmalardan sonra dövlət borcunun vergilərin artırılması hesabına ödənilməsindən narahatdır. Fransanın dövlət borcu 2028-ci ildə yenidən pandemiya zamanındakı səviyyədə olacaq.
Şəhla Ağalarova
AZƏRTAC-ın xüsusi müxbiri
Paris