Beynəlxalq Yer günü ilə əlaqədar məktəblilərlə görüş keçirilmişdir
Bakı, 15 aprel (AZƏRTAC). Ekologiya və Təbii Sərvətlər Nazirliyi (ETSN) 22 aprel - Beynəlхalq Yer Günü ilə əlaqədar ətraf mühitin mühafizəsi sahəsində ictimaiyyət arasında təbliğat işlərini davam etdirir.
Nazirliyin mətbuat xidmətindən AZƏRTAC-a bildirmişlər ki, belə tədbirlərdən biri aprelin 15-də Bakının Yasamal rayonundakı 225 nömrəli orta məktəbdə keçirilmişdir.
Görüşdə məktəblilərə son illərdə ətraf mühitin mühafizəsi ilə bağlı ETSN tərəfindən həyata keçirilən tədbirlər barədə ətraflı məlumat verilmiş və onların sualları cavablandırılmışdır.
Beynəlхalq Yer Gününün qeyd olunmasına ХIХ əsrin 40-cı illərindən başlanılmışdır. Sonralar bu əlamətdar tarixi gün tədricən beynəlxalq xarakter almışdır. Hazırda Beynəlхalq Yer Günü 150-yə yaxın ölkədə, o cümlədən Azərbaycanda qeyd edilir.
Bölmənin digər xəbərləri
