Bəzi dağlıq ərazilərdə yağış yağıb, Şahdağa dolu düşüb
Bakı, 8 avqust, AZƏRTAC
Milli Hidrometeorologiya Xidmətinin avqustun 8-i saat 9:00-a olan məlumatına əsasən ölkə ərazisində hava şəraiti əsasən yağmursuz keçib, lakin gündüz bəzi dağlıq ərazilərdə qısamüddətli yağış yağıb, şimşək çaxıb. Düşən yağıntının miqdarı Daşkəsən, Qusar, Qrız (Quba) və Şahdağda 1-8 millimetrədək olub.
Xidmətdən AZƏRTAC-a verilən məlumata görə, avqustun 7-də saat 16:38-16:46 radələrində Şahdağa diametri 4 millimetr olan dolu düşüb. Həmin gün havanın maksimal temperaturu Bakıda və Abşeron yarımadasında 36, dağlıq rayonlarda 30, Aran rayonlarında, eyni zamanda, Naxçıvan Muxtar Respublikasında 41 dərəcəyədək isti qeydə alınıb.
Bölmənin digər xəbərləri
