BİLL KLİNTON: DÜNYANI QİÇS-DƏN PULSUZ ŞPRİSLƏR VƏ SÜNNƏT XİLAS EDƏCƏK
Klinton QİÇS ilə mübarizəyə çəkilən vəsaiti daha da artırmağın və ayrılan vəsaitdən səmərəli istifadə edilməsinin zəruriliyini vurğulayaraq demişdir: “Bu məqsədlər üçün ayrılan vəsaitin hədər yerə xərclənməsi çox insanın həyatını təhlükə qarşısında qoyur”.
Sabiq Prezident bütün dünya həkimlərini kişi sünnətinin müsbət effekt verdiyinə xüsusi diqqət yetirməyə çağırmışdır. O xatırlatmışdır ki, bir sıra tədqiqatların nəticələrinə görə, bu cərrahi əməliyyat İÇV infeksiyasının cinsi əlaqə yolu ilə ötürülməsi riskini 60 faiz azaldır.
Klinton QİÇS ilə mübarizənin əsas strategiyası kimi bakirəliyi və ənənəvi ailə dəyərlərinə sadiqliyi fəal təbliğ edən Corc Buş hökumətinin siyasətini tənqid etmişdir. Onun fikrincə, QİÇS-lə mübarizədə beynəlxalq təşkilatlar bu xəstəliyin zərərinin azaldılması proqramlarını, narkomanlara və narkotik maddələrdən asılı vəziyyətə düşən şəxslərin inyeksiyasını təhlükəsiz şəraitdə ala bildikləri təşkilatlara iynə və şprislərin pulsuz verilməsini diqqət mərkəzində saxlamalıdır.
Bölmənin digər xəbərləri
