Binəqədi rayonunda üç avtomobil toqquşub
Bakı, 18 mart, AZƏRTAC
Binəqədi rayonunda üç avtomobil toqquşub.
Daxili İşlər Nazirliyinin mətbuat xidmətindən AZƏRTAC-a bildiriblər ki, rayonun Xocəsən qəsəbəsi ərazisində Bakı şəhər sakini V.Quliyev idarə etdiyi “Opel” markalı avtomobili qarşıda gedən Abşeron rayon sakini E.Nəbiyevin idarə etdiyi “AzSamand” markalı avtomobilə vurub. “Opel” markalı avtomobil daha sonra yolun kənarında dayanmış “Mercedes” markalı yük avtomobilinə dəyib. Nəticədə V.Quliyev aldığı xəsarətlərdən hadisə yerində ölüb, sərnişini xəstəxanaya yerləşdirilib.
Faktla bağlı Baş İstintaq və Təhqiqat İdarəsi tərəfindən araşdırma aparılır.
Bölmənin digər xəbərləri
