London, 12 avqust, AZƏRTAC

Avqustun 11-də 700-dən çox miqrant 11 qayıqla La-Manş boğazını keçərək Böyük Britaniyaya gəlib.

AZƏRTAC xəbər verir ki, bu barədə Britaniya Daxili İşlər Nazirliyi məlumat yayıb. Bildirilib ki, bazar günü Britaniyaya qanunsuz yollarla keçən 11 qayıqda 703 nəfərə rast gəlinib. Bu isə hər qayıqda orta hesabla 64 nəfərin olduğunu göstərir.

Qeyd edək ki, 2024-cü ildə kiçik qayıqlarla Böyük Britaniyaya keçən qanunsuz miqrantların ümumi sayı 18 min 342 nəfərdir. Bu, ötən ilin müvafiq dövrü ilə müqayisədə 13 faiz çoxdur.

Aytən Abbaslı

AZƏRTAC-ın xüsusi müxbiri

London